miércoles, 1 de abril de 2009

COMENTAMOS LIBROS DE CIENCIA 5

Comentario de Sara Durán González (1º Bac. B)

O libro que escollín foi "Po de estrelas. Novas receitas científicas de Os dados do Reloxeiro"do autor Xurxo Mariño Alfonso. Consello da Cultura Galega. Sección de Ciencia, Técnica e Sociedade.

Cousas que me gustaron

É un libro que toca as ramas da ciencia e relata feitos moi curiosos dunha forma moi sinxela e fácil de entender, ademáis aprendín moitas cousas que non sabía sobre ciencia que son realmente sorprendentes. Ademáis gustoume moito a historia das flores das figueiras, xa que o autor o relata dunha forma moi interesante.

Valoración 5 sobre 5







Cousas que aprendín (Unha pequena mostra de distintos capítulos)


- Para comezar, un bico.
O hemisferio esquerdo do cerebro asóciase co pensamento lóxico e a toma de decisións firmes; mentres que o lado dereito asóciase co comportamento intuitivo e creativo. O hemisferio dominante cambia cada certo tempo e nas persoas que este cambio se retarda aparecen enfermidades como a depresión (se o que domina durante máis tempo é o dereito) e o trastorno bipolar (se é o esquerdo).

- Seres máis o menos humanos.

A bacteria causante do acné, convive con nós alimentándose da graxa producida nos folículos pilosos. Cando a graxa é excesiva, esta bacteria se reproduce de máis e xera unha resposta do sistema inmune, provocando os molestos granos.

- O medio natural e nós, matrimonios de conveniencia (Ecoloxía)

As figueiras viven en estreita relación cunhas avespas minúsculas, que se reproducen grazas ás figueiras, que á súa vez precisan ás avespas para reproducirse. Cada tipo de figueira ten o seu propio tipo de avespas, que viven en perfecta sincronización co vexetal.


COMENTAMOS LIBROS DE CIENCIA 4










Comentario de Nuria Calvo de 1º de Bacharelato B





O libro escollido foi "Doce grandes científicos" da autora Mª Milagros Villanueva Rodríguez na Editorial Lóstrego


Escollín a vida de dous autores: Sir Isaac Newton e Charles Darwin.

A miña opinión do libro:

É un libro co que aprendes moitas cousas interesantes e básicas sobre os científicos que deixaron unha grande marca na historia da ciencia. Resulta fácil de ler e entretido. Polo tanto recomendo a súa lectura.


Nota (5) sobre 5.

Escollemos un anaco sobre Darwin neste ano no que se celebra o 200 aniversario do seu nacemento e o 150 aniversario do seu libro "A orixe das especies".



" No ano 1854 comezou a relacionarse con Alfred Rusell Wallace para comprarlle especímenes e completar os seus estudos de Zooloxía. En 1858, Wallace envía un informe a Darwin onde lle explica a conclusión de que as especies adaptanse ao medio ambiente e os individuos mellor adaptados son os que sobreviven e se reproducen. Ambos puxéronlle o nome á Teoría da Evolución".